Ташкентте Кыргызстандын Өзбекстандагы элчилигинин жаңы имараты ачылганын өкмөттүн маалымат кызматы кабарлады. Анын ачылыш аземине министрлер кабинетинин төрагасы Акылбек Жапаров менен Өзбекстандын премьер-министри Абдулла Арипов катышып, имараттын короосуна арча көчөттөрүн отургузушкан. Андан соң КРдин Тышкы иштер министрлигинин 80 жылдыгына, Кара-Кыргыз автономиялуу облусунун түзүлгөндүгүнүн 100 жылдыгына карата жана кыргыз-өзбек эки тараптуу мамилелерин чагылдырган сүрөт көргөзмөнү көрүп чыгышкан. Ардактуу меймандар китебине кол тамгаларын калтыргандан кийин эстеликке сүрөткө түшүшкөн. Ошондой эле иш-чарага Азербайжан, Беларусь, Казакстан, Россия, Түркия, Тажикстан, Түркмөнстан мамлекеттеринин Өзбекстандагы элчилери, диаспоралары, этникалык кыргыздар жана жергиликтүү жашоочулар чакырылган.
Президент Садыр Жапаровдун тапшырмасы менен Жалал-Абадды Сузак районунда Porter унаасы коюп кеткен балдар Бишкекке алып келинет. Бул тууралуу өлкө башчынын маалымат кызматы кабарлады. Абалы оор делген 10 бала туугандары менен чогуу Бишкектеги Шаардык медициналык тез жардам балдар клиникалык ооруканасында жайгаштырыла турганы айтылды. “Мамлекет башчы балдарды керектүү дары-дармектер менен камсыз кылууну жана медицина кызматкерлерине күнү-түнү байкоо жүргүзүүнү тапшырды”, — деп жазылган маалыматта. Мындан сырткары, Жапаров окуя боюнча бардык жагдайларды тактоо үчүн комиссия түзүүнү тапшырган.
Россиянын тил котормолору институтунун аткаруучу директору Евгений Резниченко котормочунун негизги милдеттери жана кыргыз-орус тилдери адабият аркылуу кантип бири-бирин байытары тууралуу Sputnik Кыргызстан радиосуна курган маегинде айтып берди. Ал адабий котормолордун артында кыргыз-орус тилдери бири-бирин байытып жатканын билдирген. "Эгерде орус тилиндеги чыгармаларды кыргыз тилине которсо анда ага жаңы сөз, маани, менталдуулуктун бир бөлүгү кошо кирет. Тескерисинче, кыргыз тилиндеги чыгарма орусчага которулса да ушундай процесс болот. Дал ушундан улам котормчулардын милдети абдан чоң, жоопкерчиликтүү", — деген эксперт. Анын айтымында, Россиянын котормолор институту кыргыз басылма, адабияттары менен кызматташууну өнүктүрүү ниетинде.
РФ ТИМинин расмий өкүлү Мария Захарова Британиянын тышкы иштер министри Дэвид Кэмерондун киевдик режимди Батыш "тойгуздурган" "Аль-Каида"* тобуна салыштырып, Киевдин РФ аймагына британиялык курал менен сокку урууга "укуктуулугу" тууралуу айткандарына жооп берди. Бул тууралуу РИА Новости жазды. Буга чейин Рейтер агенттиги Кэмерондун маегин жарыялаган. Анда ал Украина Лондон тарабынан жеткирилген курал менен Россиянын аймагына сокку урууга укуктуу деген пикирин айткан. Көп өтпөй жаңылык өчүрүлүп, бир нече убакыттан кийин кайрадан ошол эле калыбында жарыяланган. "Кезегинде Батыш тойгузган "Аль-Каида" террорчулары жасагандай эле киевдик режим британиялык курал менен Британиянын аймагына сокку уруусуна даярдана беришсин", — деген Захарова РИА Новостиге. Мурдараак Улуу Б