Кыргызстанда батирлерди эми онлайн кайра каттоодон өткөрсө болотМатвиенко Киевдин кылмыштарын иликтөө үчүн трибунал түзүүгө чакырдыСалык кызматы студенттер менен окуучулар арасында конкурс жарыяладыалдыда кененирээкСанариптик өнүктүрүү министрлиги Кыргызстандагы батирлерди онлайн кайра каттоо боюнча жаңы сервис ишке киргизилгенин билдирди. Маалыматта сервис "Түндүк" мамлекеттик мекемеси менен Жер ресурстары, кадастр, геодезия жана картография боюнча мамлекеттик агенттиктин биргелешкен пилоттук долбоору экени айтылат. "Мындан ары сатып алуу келишими боюнча мүлктү кайра каттоо үчүн кезекке туруунун кажети жок. Эгерде сиз Кыргызстандын жараны болсоңуз, анда өз батириңизди "Түндүк" тиркемеси аркылуу онлайн режиминде кайра каттай аласыз", — деп билдирди Санариптик өнүктүрүү министрлиги. Кайра каттоодо сатуучуга, аялы же күйөөсүнө жана сатып алуучуга керек болгон жол-жоболор боюнча нускаманы ведомствонун расмий сайтынан алсаңыз болот.
Салык кызматы менен Билим берүү жана илим министрлиги биргеликте Кыргызстандагы 10-класстын окуучулары жана бир нече жогорку окуу жайдын студенттери арасында "Салык — мамлекеттин өнүгүшүнө салым" аталышындагы сынак жарыялады. Бул тууралуу министрликтин маалымат кызматы билдирди. Конкурс жалпы билим берүү уюмдарынын 10-классынын окуучулары жана Кыргыз экономикалык университетинин, Кыргыз улуттук университетинин, Кыргыз Республикасынын президентине караштуу Мамлекеттик башкаруу академиясынын, Ош мамлекеттик университетинин, Кыргыз мамлекеттик медициналык академиясынын студенттеринин арасында өтөт. Шарт боюнча сынакка катышуу үчүн окуучулар "Салык төлөө өлкөнүн өнүгүшүнө кандай таасир этет?" деген темада эссе, студенттер "Өлкөнүн өнүгүшү жана келечеги үчүн салык төлөөнүн маанилүүлүгү" деген темада видеоролик даярдашы керек. Бардык материалдар үстүбүздөгү жылдын 27-майына чейин salykkyzmaty@gmail.com почтасы аркылуу кабыл алынат.
Улуттук банк адистерди жумушка чакырат. Бул тууралуу башкы банктын маалымат кызматы билдирди. Талаптарга ылайык, Коммуникация жана эл аралык кызматташуу башкармалыгынын коомчулук менен иш алып баруу бөлүмүнүн адиси жана ушул эле башкармалыктын протокол тобунун адисине бош жумуш орундары бар. Иш издегендер документтерин 13-май күнү саат 17:00гө чейин тапшырса болот. Сынакка катышуу үчүн толук маалыматты www.nbkr.kg сайтынан ала аласыз. Суроолор боюнча Бишкек шаары, Чүй проспекти, 168 дареги боюнча жайгашкан Улуттук банктын персонал менен иш алып баруу бөлүмүнө же (0312) 66-90-18, (0312) 61-10-21 телефондоруна кайрылууга болот.
Атайын аскердик операциянын жыйынтыгы менен Киев режиминин бардык кылмыштарын чогулткан чоң трибунал керек болот. Бул тууралуу Россиянын Федерация кеңешинин төрайымы Валентина Матвиенко Telegram-каналына жазып, Одессадагы трагедиянын он жылдыгын эскергенин РИА Новости кабарлады. 2014-жылы Украинадагы мамлекеттик төңкөрүштөн кийин "антимайдандын" активисттери нааразылыкка чыгышкан. 2-майда түштөн кийин бир тараптан "антимайдандын" активисттери менен Харьков жана Одессанын футболчуларынын, ошондой эле "Евромайдандын" радикалдарынын ортосунда чатак башталган. Мушташта чатыр шаарчасы талкаланып, мамлекеттик төңкөрүштү колдогондор жана улутчулдар "антимайдандын" өкүлдөрү баш калкалаган Профсоюздар үйүн өрттөп салышкан. Трагедиядан 48 адам каза таап, 250дөн ашык киши жабыркаган.