БИШКЕК, 1-май — Sputnik. Кыргызгидромет агенттиги жаздын соңку айына, тагыраагы, майга күтүлгөн аба ырайы тууралуу маалымат берди.
Ага ылайык, өлкө боюнча абанын айлык орточо температурасы климаттык нормадан 1-1,5 градус жогору болот. Ал эми жаан-чачындын айлык көлөмү нормага жакын, тоо этектериндеги райондордо нормадан жогору болушу күтүлөт.
Чүй облусу
Ай ичинде абанын температурасы түнкүсүн 7...12ден 14…19 градуска чейин жылып, күндүз 20…25тен 30…35 градуска чейин ысышы мүмкүн. Кемин өрөөнүндө жана тоо этектеринде түнкүсүн 3…8ден 9…14 градуска чейин жылыса, күндүз 14…19дан 24…29 градуска чейин чейин ысыйт.
Талас облусу
Абанын айлык температурасы түнкүсүн 4…9 градустан 11…16 градуска чейин, күндүз 18…23 градустан 28…33 градуска чейин өзгөрүп турат.
Ош облусу
Ай ичинде жылуулук түнкүсүн 10…15 градустан 16…21 градуска чейин жетиши ыктымал. Күндүз күндүн табы 20…25тен 30…35 градуска чейин чыгат. Тоо этектеринде түнкүсүн 5…10 градустан 12…17 градуска чейин, күндүз 18…23 градустан 28…33 градуска чейин ысыйт.
Жалал-Абад облусу
Ай ичинде абанын температурасы түнкүсүн 10…15 градустан 16…21 градуска чейин, күндүз 20…25 градустан 30…35 градуска чейин жетип турат. Термометрдин көрсөткүчү тоо этектеринде түнкүсүн 5…10 градустан 12…17 градуска жетсе, күндүз 18…23төн 28…33 градуска чейин чыгат. Токтогул районунда ай ичинде түнкүсүн 6…11 градустан 12…17ге чейин, күндүз 20…25тен 28…33 градуска чейин болушу мүмкүн.
Баткен облусу
Ай ичинде абанын температурасы түнкүсүн 10…15 градустан 16…21 градуска чейин жетип, күндүз 20…25 градустан 30…35ке чейин өзгөрүлүп турат. Тоо этектеринде түнкүсүн 5…10 градустан 12…17 градуска чейин болсо, күндүз 18…23 градустан 28…33 градуска чейин барат.
Ысык-Көл облусу
Абанын температурасы ай ичинде түнкүсүн 1…6 градустан 8…13 градуска чейин жылып, күндүз 12…17 градустан 22…27 градуска чейин жетиши ыктымал.
Нарын облусу
Ай ичинде абанын температурасы түнкүсүн 1…6 градус жылуулуктан 8…13 градуска чейин, күндүз 12…17 градус жылуулуктан 22…27ге чейин өзгөрүлүп турушу күтүлөт.