"Китеп көргөзмөлөр китептин тарыхына да арналган. Ушул 100 жыл ичинде кандай китептер чыгып, кандай өзгөрүүлөр болгону камтылды. Муну окурмандарга ачып берүү керек болду. Китепкана көргөзмөдө 20га жакын аянтчаларды уюштуруп берди. Алардын ичинен "Эрудит" аянтчасында кыргыздын көрүнүктүү инсандарынын, тарыхтын негизинде конкурс, викториналар уюштурулду. "Китеп менен келечекке", "Жомокко саякат", "Спорт" аянтчалары да кызыктарды тартуулады. Техникага арналган аянтча да келген меймандардын бүйүрүн кызытты. Окурмандардын саны 2000ге жетти. Аба ырайы бузулганына карабай китеп сүйүүчүлөрдүн көптүгү сүйүндүрдү. Китеп палатасы да өзүнчө аянтчаларды уюштурду. Китептер да жылдан-жылга өзгөрөт. Иллюстрациялары кооз китептер текчелерде жайнап турганы абдан кубандырды. Окурмандардын саны да артып баратат", — деди Султангазиева.