Майдагы беш күндүк дем алышта Бишкекте айрым мектептер иштемей болдуМосквада атайын операцияда олжолонгон техникалардын көргөзмөсү ачылдыМарат Иманкулов Тажикстан менен чек ара маселесин чечүүдөгү оорчулуктарды атадыалдыда кененирээкКыргызстан менен Тажикстан чек ара маселесин чечүү үчүн жер алмашуу вариантын карап чыкса болот. Мындай пикирин Кыргызстандын Коопсуздук кеңешинин катчысы Марат Иманкулов "Кабар" агенттигине берген маегинде билдирди. Анын айтымында, бул маселенин эң талуу жери — Баткен облусундагы чек аранын татаал участоктордон, калктуу конуштардан, көчөлөрдөн, атургай короолор менен үйлөрдөн өтүп жаткандыгы. "Андыктан ич ачышса дагы бөлүш керек. Бул компромисске баруунун оор жолу, ансыз болбойт. Эпке келиш керек. Зарыл болсо, жер алмашуу вариантын да карап чыкса болот. Албетте, алдын ала жергиликтүү калк менен макулдашып алуу зарыл, азыр деле иш ушул нукта жасалууда", — деди Иманкулов. Коопсуздук кеңешинин катчысы ар бир өлкөнүн өз кызыкчылыгы бар экенин белгилеп, бирок учурда эки тарап тең издеп жаткан баланс жана компромисс зарылдыгын айтты. Ал чек ара маселеси тынчтык жолу менен чечилиши керектигин кошумчалады.
1-майдан 5-майга чейин Бишкектеги бардык мектептер эс албайт Алдыдагы бир жарым жумага карата түзүлгөн график Билим берүү министрлигинин буйругу менен бекитилди. Борбордук департаменттин бизге берген маалыматы боюнча, жумасына беш күн иштеген мектептер 1-5-май күндөрү жабык болот. Ал эми жумасына алты күн окуган мектептер 1, 6 жана 9-май күндөрү гана эс алат.
Бишкекте биринчи жолу жөө адамдар өтө турчу диагоналдуу чийиндер пайда болгонун мэриядан билдиришти.Бул чийиндер Чүй проспектиси менен Шопоков көчөсүнүн кесилишине түшкөн. Жакын арада ушундай эле зебра "Ош" базары тарапта Чүй проспектисинде жасалат. Мындай диагоналдуу чийиндин өзгөчөлүгү — жөө адамдар көп болуп кеткенде автоунаалар убактылуу токтотулуп, эл бардык багыт боюнча өтө берет.Сурот, видеосун sputnik.kg сайтынан көрө аласыз.
Москвада атайын операция учурунда НАТО тарабынан Украинага берилип олжолонгон техникасынын көргөзмөсү ачылганын РИА Новости жазды.Көргөзмө Поклонная дөңсөөсүндөгү Жеңиш паркында уюштурулган. Анын арасында бир топ кызыктуу экспонаттар бар. Маселен, шведдердин БМП CV9040, Американын International MaxxPro, Abrams, Bradley, М113, британдардын Saxon, Mastiff, Husky, немецтердин Marder жана башка техникаларын көрүүгө болот. Коргоо министрлиги түшүндүргөндөй, айрым техникаларды россиялык аскерлер Запорожье облусунун Работино жана Малая Токмачка айылдарынын аймактарында жана Авдеевкага жакын жерде болгон салгылашууларда олжолоп алышкан.
Кытайдын түштүгүндөгү Гуандун провинциясында автомагистрльь урап, кеминде 19 адам каза болду. Бул туурасында РИА Новости КЭРдин Борбордук телеберүүсүнө шилтеме берип жазды."Саат 11:45ке карата уранды астынан 18 унаа табылды, жалпысынан 49 адам жаракат алса, 19у каза болду", — деп айтылат маалыматта. Телеканал жабыркаган 30 адам учурда ооруканада экенин кошумчалаган. Гуандун провинциясынан Фуцзянь провинциясына кеткен жол болжол менен түнкү саат 02:10до урап түшкөн. Кырсыкта автомагистралдын узундугу 17,9 метр, жалпы аянты 184,3 чарчы метр жери көчүп кеткен. Алдын ала маалымат боюнча, жер соңку күндөрү аймакта жааган нөшөрлүү жамгырдан кийин көчкөн.