"Уяң жүн эң баалуусу болуп саналат. Андан кийин жарым уяң жүн, жарым кылчык жана акыркы орунда кылчык жүн турат. Союз мезгилинде уяң жүндү өтө көп өндүрүп, жылына 30 миң тоннадан ашык жүн кайра иштетилчү. Ал эми азыр 800-900 тонна гана өндүрүлүүдө. Жүндү көбөйтөлү десек, сатуу маселеси кыйын болуп турат. Токмокто "Касиет" камволдук-нооту комбинаты бар эле. Анын токтоп калышы маселе жаратты. Ал эми чет мамлекетке экспортко чыгаруу үчүн 10 миң тоннадан жогору көлөм болушу шарт. Эми майдын аягында кыркын башталат. Фермерлер да киреше көрбөй, жүндөрдүн баары азыр кампаларда сакталуу турат. Жыл өткөн сайын сапаты бузулуп, баасы түшөт. Кыскасы, өзүн актабай жатат. Ошол себептен министрлик да бул жаатта иштеп жатат. Камволдук-нооту комбинатынын да бизнес-долбоору бар. Ага 8 миллион евро керек экен. Фабрика кайрадан калыбына келип иштей баштаса фермерлер өзүлөрү эле уяң жүндүү койду багууга өтөт. Уяң жүндүү койдун жүнү гана эмес эти да сапаттуу", — деди Мамбеталиев.