БИШКЕК, 30-апр. — Sputnik. Жогорку сот Шайлообек Атазовду мандатынан ажыратуу боюнча төмөнкү эки инстанциянын чечимин күчүндө калтырды.
Ошондой эле Жогорку соттун коллегиясы БШКнын Абдурахманджи Муртазалиевди Жогорку Кеңештин депутаттыгына талапкер катары каттоосун жокко чыгаруу боюнча чечимин жокко чыгарган.
Буга чейин 2022-жылы Свердлов шайлоо округунан депутат болом деген Абдурахманхаджи Муртазалиев Атазовду депутаттык мандатынан ажыратууну суранып БШКга кайрылган. Борбордук шайлоо комиссиясы анын арызын канааттандырбай койгондуктан Муртазалиев Административдик сотко арыз жазган. Жыйынтыгында сот БШКнын чечимин жокко чыгарып, арыз ээси Абдурахманхаджи Муртазалиевди Свердлов районунан депутат деп таанууга милдеттендирген.
Эми Свердлов округунан депутаттык мандат боюнча маселени БШК чечиши керек.
Эске салсак, Шайлообек Атазов Свердлов шайлоо округунан 2022-жылы депутаттыкка аттанган. Бирок ал шайлоо жаңжал менен коштолгон. Тагыраагы, депутаттыкка талапкер Абдурахманхаджи Муртазалиев алдыга озуп чыкканы менен добуш сатып алды деп айыпталып, жарыштан четтетилген. Мындан улам мандат кийинки орун алган Атазовго тийген.