БИШКЕК, 30-апр. — Sputnik. Россиянын абадан коргонуу күчтөрү Украинанын АКШда жасалган алты ATACMS оперативдүү-тактикалык ракетасын бир сутка ичинде атып түшүрдү. Бул тууралуу Россиянын Коргоо министрлигинин маалымат кызматы билдирди.
"Абадан коргонуу системалары Украинанын 10 учкучсуз учагын, АКШда жасалган алты ATACMS оперативдүү-тактикалык ракетасын жана Францияда жасалган эки Hammer башкарылуучу бомбасын 24 сааттын ичинде атып түшүрдү", — деп айтылат маалыматта.
Крымдын башчысы Сергей Аксенов өзүнүн Telegram-каналында Симферополь облусунун Донское айылынын тургундарына кайрылып, аларга суу астындагы ок-дарылардын коркунучу тууралуу эскертти.
"ATACMS ракеталары атып түшүрүлгөндөн кийин жардырылбай калган ок-дарылар чачырап кеткен. Эгерде алар табылса колго албагыла, жакындабагыла, ӨКМге жана ИИМге кайрылгыла", — деди ал.