БИШКЕК, 29-апр. — Sputnik. Бүгүндөн тарта Бишкек шаарындагы №216 каттамдын маршруткалары автобуска алмашат. Бул туурасында мэриядан кабарлашты.
Буга чейин жүргүнчүлөрдү бустар ташып келген.
“Мындан ары ушул эле каттам номуру менен автобус жүрө баштайт. Акыркы аялдамалар Ак-Өргөө конушунда жана Аламүдүн-1 кичи районунда жайгашат. Күн сайын 26 даана автобус пландык чыгууну аткарат. Аралыгы 7-10 мүнөттү түзөт”, — деп билдиришти мэриядан.
Коомдук транспорттун кыймылын “Менин шаарым” мобилдик тиркемесинен карап турууга болот.
Автобустардын ар бири GPS-трекери жана накталай эмес төлөм жүргүзүү үчүн валидатор менен жабдылганы айтылды.