Бишкек КМШ, Балтика боюндагы жана Грузия өлкөлөрүнүн кино өнөрүнүн борборуна айланат. Бул тууралуу Саадат Казакбаева Sputnik Кыргызстан радиосунун эфиринде маек куруп жатып билдирди.
Анын айтымында, бул жылы фестивалга эксперименталдык кино багыты боюнча да катышкандар бар.
"Бишкекте XII эл аралык КМШ, Балтика боюндагы жана Грузия өлкөлөрүнүн "Кыргызстан – кыска метраждуу тасмалардын өлкөсү" кинофестивалы башталды. Бул жылы иш-чара Кыргыз ССРинин искусствосуна эмгек сиңирген ишмер, Кыргыз эл артисти, жогорку категориядагы анимациялык фильмдердин режиссеру Сагынбек Ишеновдун 90 жылдыгына арналган. Негизги максатыбыз — Бишкекти КМШ, Балтика боюндагы жана Грузия өлкөлөрүнүн кино өнөрүнүн борборуна айлантуу. Быйыл абдан көп эмгек келип түштү. Көбү үй-бүлө баалуулуктарына байланышкан темаларды сунушташкан. Мындан тышкары, эксперименталдык кино багыты боюнча да катышкандар бар. Фестивалдын дагы бир маанилүү милдети — КМШ өлкөлөрүнүн ортосундагы маданий байланыштарды бекемдөө", — деди Казакбаева.
Адис ошондой эле мындай аянтчалар кыргыз киносунун жаңы кырларын ачууга эң сонун мүмкүнчүлүк экендигин кошумчалады.