БИШКЕК, 27-апр. — Sputnik. Украинанын Ровно шаарында советтик жоокерлерге, Улуу Ата Мекендик согуштун баатырларына коюлган эстелик алып салынды. Бул тууралуу Ближнее зарубежье Telegram каналы билдирип, видеосун жарыялады.
Башка ЖМКлардын жазганына караганда, аталган эстелик Даңк дөбөсүндө 40 жыл мурун тургузулган. Эми шаар жетекчилиги айкелди алып, жерди түздөп жатат. Маалыматтарда эстелик турган жерде музей ачуу пландалып жатканы айтылган.
Эскерте кетсек, 2015-жылы Украинада деккоммунизация тууралуу мыйзам кабыл алынган. Ошондон кийин советтик эстеликтерди, анын ичинде Улуу Ата Мекендик согуштун баатырларына да арналган айкелдер жапырт алына баштаган болчу.