БИШКЕК, 27-апр. — Sputnik. Учуп келе жаткан дронду колундагы буюмдар салына турган кабы менен жок кылып, жарадар болгон куралдашын аман алып калган россиялык жоокердин видеосун Ближнее зарубежье Telegram каналы жарыялады.
Маалыматта окуя Никольское айылында болгону айтылат. Катардагы жоокер жаракат алган жолдошун эвакуациялоодо учуп келе жаткан дронду көздөй колундагы кабын ыргытып жиберген. Натыйжада аппарат жарылып кеткен. Жоокер жеңил жарадар болгону менен жолдошунун өмүрүн сактап калган.