БИШКЕК, 27-апр. — Sputnik. 21-апрелден 27-апрелге чейин Баткен шаарында кыргыз-тажик чек арасын делимитациялоо жана демаркациялоо боюнча өкмөттүк делегациялардын укуктук маселелер боюнча жана топографиялык жумушчу топтордун кезектеги жолугушуусу болду.
Министрлер кабинетинин маалымат кызматы билдиргендей, жолугушууда кыргыз-тажик чек арасынын чечиле элек аймактары боюнча сүйлөшүү жүрүп, бул ишти Тажикстандын аймагында өтчү жолугушууда улантуу чечилди.
Жолугушуу достукта жана өз ара түшүнүшүүдө өткөнү кошумчаланды.