БИШКЕК, 26-апр. — Sputnik. Сокулук районунда окуучу кызды сүзүп качып кеткен BMW үлгүсүндөгү автокөлүктүн айдоочусу кармалганын Чүй облустук жол кыймылынын коопсуздугун камсыздоо башкармалыгынан билдиришти.
Ведомстводон автоунаа айып короого коюлганын маалымдашты.
"Кырсык кечээ саат 12:18де Селекция айылында болгон. Бардык чогулган материалдар Сокулук РИИБине өткөрүлдү. Кыз ооруканага кайрылган эмес", — деп айтылат маалыматта.
Буга чейин Чүй облусунда BMW автоунаасынын айдоочусу жолдун четинде бара жаткан окуучу кызды сүзүп, качып кеткен видео социалдык тармактарга тараган.