БИШКЕК, 26-апр. — Sputnik. Бишкектин жашоочулары шаардагы жолдордун абалы тууралуу мэрияга түз маалымдай алышат.
Калаа бийлиги билдиргендей, көчөлөрдөгү абал тууралуу маалыматтарды топтоп, көйгөйдү тез арада жоюу максатында ыкчам байланыш каналы уюштурулду.
Ал аркылуу жашоочулар жолдордун абалын, тактап айтканда, талкаланган, чөгүп кеткен, аң-чөнөк пайда болгон тилкелер тууралуу сүрөт жана видеолорду жөнөтө алышат.
Транспорт, жол транспорттук инфратүзүмдү өнүктүрүү департаментинин шаардагы төрт районго жооптуу кызматкерлери маалыматты иргеп чыгышат. Андан соң райондук администрациялар "Бишкек асфальтсервис" муниципалдык ишканасы менен бирге жолдун талкаланган жерин оңдошот.
Байланыш номерлери:
Октябрь району, Азамат Осмоналиев, 0708 83 83 23, 0312 53 03 15;
Ленин району, Кубаныч Шаршембеков, 0555 31 21 85, 0312 53 03 15;
Биринчи май району, Бакберген Мамыр уулу, 0500 500 257, 0312 53 03 15;
Свердлов району, Талант Бөрүбаев, 0707 65 17 17, 0312 53 03 15.