БИШКЕК, 25-апр. — Sputnik. ЕАЭБдин алкагында энергиянын кайра жаралуучу булактарын өнүктүрүү талкууланганын ЕЭКтин энергетика жана инфраструктура министри Арзыбек Кожошев билдирди.
© Фото / пресс-служба ЕЭК
Уюмдун отун-энергетикалык комплексин өнүктүрүүнүн келечегине арналган тегерек столдо декарбонизациялоо жана союзга мүчө өлкөлөрдүн экономикасынын энергетикалык натыйжалуулугун жогорулатуу маселелери каралган.
"Талкуунун жүрүшүндө евразиялык "бештик" өлкөлөрдүн отун-энергетикалык комплексин аз көмүртектүү кылып өнүктүрүүнүн келечеги, ошондой эле энергиянын кайра жаралуучу булактарын өнүктүрүүнү стимулдаштыруу механизми катары жашыл сертификаттарды берүү маселелери жана башка өңүттөрү каралды", — деп айтылат маалыматта.
Тегерек столдун жыйынтыгында биргелешкен билдирүү кабыл алынып, анда ЕАЭБ өлкөлөрүнүн энергиянын кайра жаралуучу булактарын өнүктүрүүдө өз ара кызматташууну кеңейтүү зарылчылыгы баса белгиленген.