БИШКЕК, 25-апр. — Sputnik. Аллергия айрым дарылардан пайда болорун аллерголог-иммунолог Евгения Паршина "Известия" басылмасына берген интервьюсунда билдирген.
Адистин айтымында, жүрөк айлануу, кусуу, ич өтүү жана ичтин оорушу дары-дармектен башталган аллергиянын белгилерине кирет. Паршина аллергияны көбүнчө анестетик, антибиотик жана В тобундагы витаминдер пайда кыларын түшүндүргөн.
"Дарыдан аллергия болуп жатам десеңиз, анда медиктерге кайрылыңыз. Аллерголог-иммунолог абалыңызга жана анализдердин жыйынтыгына карап диагноз коет", — деген ал.