БИШКЕК, 25-апр. — Sputnik. Азербайжан-Кыргыз өнүктүрүү фондунун уставдык капиталы төрт эсе көбөйтүлөт. Бул тууралуу Экономика жана комерция министрлигинен билдиришти.
Маалыматка ылайык, Садыр Жапаровдун Азербайжанга жасаган мамлекеттик сапарынын алкагында эки өлкөнүн өкмөттөрүнүн ортосунда тиешелүү келишимге кол коюлган.
Ага ылайык, фонддун капиталы 25 миллион доллардан 100 миллионго жеткирилет.
Эске салсак, 2022-жылы Азербайжан президенти Илхам Алиевдин Кыргызстанга болгон мамлекеттик сапарынын алкагында аталган фондду түзүү макулдашылган. Анын штаб-квартирасы Бишкек шаарында жайгашып, фонд бир катар артыкчылыктарга ээ болгон.