БИШКЕК, 24-апр. — Sputnik. Садыр Жапаров менен Илхам Алиев жолугуп тар курамдагы сүйлөшүүлөрдү жүргүзүштү. Бул тууралуу мамлекет башчынын маалымат кызматы кабарларды.
Билдирүүгө ылайык, жолугушууда тараптар эки тараптуу кызматташууну өнүктүрүү зарылдыгын белгилешкен. Ошондой эле мамлекет башчылардын катышуусунда Мамлекеттер аралык кеңештин экинчи жыйыны өттү. Анын жыйынтыгы менен өлкө лидерлери ЖМКлар үчүн билдирүү жасашты.
Кол коюлган документтер:
Азербайжандын президенти Ильхам Алиев менен Кыргызстандын президенти Садыр Жапаровдун Биргелешкен декларациясы;
Мамлекеттер аралык кеңешинин экинчи отурумунун чечими;
Эки өлкөнүн ортосундагы кирешеге салыктарга карата кош салык салууну болтурбоо жана салык төлөөдөн качуунун жана салык салуудан качуунун алдын алуу жөнүндө макулдашуу;
Азербайжан-Кыргыз өнүктүрүү фондун түзүү жөнүндө макулдашууга өзгөртүүлөрдү киргизүү тууралуу кошумча макулдашуу;
Миграция тармагында кызматташуу жөнүндө макулдашуу;
Билим берүү жана илим жаатында кызматташуу жөнүндө макулдашуу;
Юстиция министрликтеринин ортосундагы укуктук чөйрөдөгү өз ара аракеттенүү жөнүндө макулдашуу;
Бажылык тескөөнү өркүндөтүү максатында кызматташуу жана өз ара жардамдашуу жөнүндө макулдашуу;
Эки өлкөнүн бажы мекемелеринин ортосундагы өз ара соода статистикасы жөнүндө маалымат алмашуу жаатындагы кызматташтык жөнүндө протокол;
Азербайжандын президентине караштуу Жарандарга кызмат көрсөтүү жана социалдык инновациялар боюнча мамлекеттик агенттик менен Кыргызстандын Санариптик өнүктүрүү министрлигинин ортосундагы Кыргыз Республикасында мамлекеттик кызмат көрсөтүү борборлорун илгерилетүү боюнча өз ара түшүнүшүү жөнүндө меморандум;
Эки мамлекет өкмөттөрүнүн ортосундагы 2024-2029-жылдарга кызматташтык программасы;
Саламаттык сактоо жана медициналык илим жаатында кызматташуу боюнча өз ара түшүнүшүү жөнүндө меморандум;
Энергетика жаатында кызматташуу жөнүндө өз ара түшүнүшүү жөнүндө меморандум;
Азербайжан Республикасынын диаспора менен иштөө боюнча мамлекеттик комитети менен Кыргыз Республикасынын Эмгек, социалдык камсыздоо жана миграция министрлигинин ортосундагы өз ара түшүнүшүү жөнүндө меморандум;
Эки өлкөнүн ортосундагы дин тармагында өз ара түшүнүшүү жөнүндө меморандум;
Ветеринария жаатындагы кызматташтык жөнүндө өз ара түшүнүшүү жөнүндө меморандум;
Архив иши жаатында кызматташуу жөнүндө өз ара түшүнүшүү жөнүндө меморандум;
Баку мамлекеттик университети менен Жусуп Баласагын атындагы Кыргыз улуттук университетинин ортосундагы өз ара түшүнүшүү жөнүндө меморандум.
Белгилей кетсек, Садыр Жапаров эки күндүк мамлекеттик сапар менен Азербайжанда жүрөт. Анын алкагында эки тараптуу кызматташууну тереңдетүүгө багытталган бир катар макулдашууларга кол коюлары белгиленип, президенттердин катышуусунда Хыдырлы айылындагы орто мектептин курулушуна мезгил кутусу салынары айтылган.