Ал болочок журналисттерге радио азыр деле актуалдуулугун жогото элек тармак экенин айтып, бул багытта иш алып барууну каалагандарга жеке тажрыйбасы менен бөлүштү. Сатиева журналист теледе болобу, радиодо болобу, эфирге чыгарда жакшылап даярдануу керектигин, ар бир эфирди угарман түшүнгүдөй кылып жөнөкөй алып баруу зарылдыгын айтып берген.
Ошондой эле журналистте продюсерлик шык, уюштуруучук сапат болсо спикер чакырууда кыйналбай турганын белгилеген. Өзүнүн журналистика тармагындагы тажрыйбасы, кызыктуу окуялары менен да бөлүшкөн.
Мастер-класска Бишкектеги үч жогорку окуу жайдын студенттери катышып, ОшМУнун студенттери да онлайн кошулду. Иш-чарадан кийин студенттер радиого иштөөгө кызыгып калганын, иш-чара эки саатка созулса да пайдалуу, кызыктуу болгонун айтышкан.