БИШКЕК, 23-апр. — Sputnik. Бишкекте кыска метраждуу тасмалардын эл аралык кинофестивалы башталганын Кинематография департаментинен кабарлашты.
Фестивалда КМШ, Балтика боюндагы өлкөлөрдүн, Грузиянын өкүлдөрү тасмаларын тартуулайт.
"Иш-чарага катышуу үчүн 800дөй билдирүү түшкөн. Сынак улуттук жана эл аралык болуп эки программадан турат. Анда көркөм, даректүү, анимациялык жана эксперименталдык фильм жанрындагы кинолор коюлат", — деп жазылат маалыматта.
Бул ирет фестиваль Кыргыз ССРинин эмгек сиңирген артисти, жогорку категориядагы анимациялык тасмалардын режиссеру Сагынбек Ишеновдун 90 жылдыгына арналмакчы.
1 / 6
Бишкекте кыска метраждуу тасмалардын эл аралык кинофестивалы башталганын Кинематография департаментинен кабарлашты
© Фото / Департамент по кинематографии при МКИСиМП КР
Аталган кинофестиваль 2010-жылы режиссер Садык Шер-Нияз тарабынан негизделген. Долбоордун максаты — КМШ өлкөлөрүнүн мыкты фильмдерин көрсөтүү менен бирдиктүү кино аянтчасын түзүү.