БИШКЕК, 21-апр. — Sputnik. Ош облусунун Кара-Кулжа районундагы сел жүргөн айылдарда кырсыктын кесепеттерин жоюу иштери жүрүп жатканын ӨКМ маалымдады.
Ак-Кыя айылында 12 турак үйдүн жер төлөсүнө, Ылай-Талаа айылында беш үйдүн ичине суу кирген, 20 үйдүн короосун каптаган. Учурда ӨКМ аталган айылдарда селдин кесепеттерин жоюп жатат.
"Мырзаке – Кара-Кулжа – Алайкуу жолундагы сел калдыктары грейдер жана жүктөгүч менен тазаланууда, учурда жол бир тараптуу ачык", — деп билдиришти аталган министрликтен.
Эске салсак, кечээ, 20-апрелде, жүргөн сел бир адамдын өмүрүн алган.