Оренбургга Кыргызстандан 20 фура гуманитардык жардам кеттиКыргызстан Өзбекстан менен трактор чогултууну сүйлөштүСадыр Жапаров реконструкцияланган Ботаникалык бакты көрүп, көчөт отургузду
Бишкектин жашыл шаар макамына кайтуусу үчүн калаа тургундарынын көмөгү керек. Бул тууралуу президент Садыр Жапаров Энвер Гареев атындагы Ботаникалык бакка реконструкциядан кийин көрүп барганда айтты. Өлкө башчынын маалымат кызматы билдиргендей, мамлекет башчысы өз сөзүндө шаарлыктар, айрыкча улуу муун, жаңыланып жана жакшы жагына өзгөрүп бара жаткан Бишкектеги өзгөрүүлөрдү кубануу менен кабыл алып жатышканын белгилеген. "Президент акыркы 15 жылда борбор калаа жашыл шаар макамын жоготконун, парктар тонолуп, алардын жер тилкелери сатылып, жеке колдорго өтүп кеткенин айтты", — деп айтылат маалыматта. Жапаров өз сөзүндө экономиканы өнүктүрүү менен бирге Кыргызстандын жаратылышын сактап калууга багытталган "Жашыл мурас" демилгелерин ишке ашыруу боюнча иш-чаралар жүргүзүлүп жатканына да токтолгон.
Кыргызстан Өзбекстан менен тракторлордун тесттик партиясын өлкөгө алып келүүнү жана чогултууну сүйлөштү. Бул тууралуу Экономика министрлиги кабарлады. Кыргызстандын Соода өкүлчүлүгүнүн өкүлдөрү Өзбекстандагы "Ташкент трактор заводу" ишканасына барган. Кызматкерлер техниканын сапатын баалап, заманбап рыноктун талаптарына жооп берерин белгилешкен."Биз "Ташкент трактор заводу" ишканасы менен кызматташууда чоң потенциалды көрүп жатабыз. Компания чыгарган тракторлор сапаттуу жана атаандаштыкка жөндөмдүү келет. Техника Кыргызстандын рыногунда суроо-талапка ээ болот деп ишенебиз", — деген Соода өкүлчүлүгүнүн Өзбекстандагы өкүлү Алмаз Темирбеков.Макулдашуу эки өлкө ортосундагы соода-экономикалык кызматташтыкты өнүктүрө тургандыгы белгиленди.
Каракол шаарында 350 орундуу көп тармактуу оорукананын курулушу башталды. Бул тууралуу Саламаттык сактоо министрлигинен билдиришти.Маалыматка ылайык, долбоорду 2025-жылга бүтүрүү пландалууда. Жалпы аянты 6 200 чарчы метр болгон оорукана беш блоктон турат. Анда консультациялык-диагностикалык бөлүм, операциялык бөлмөсү бар хирургиялык жана травматология бөлүмдөрү, ЛОР, көз, терапия, онкология, балдар жана башка бөлүмдөр салынат. Ошондой эле лаборатория, ашкана, кир жуучу жай, кампа каралган. Мындан тышкары, оорукананын аймагына өлүккана, кычкылтек станциясы, откана, унаа токтотуучу жай түшүп, генератор орнотулат.
Өзгөчө кырдаалдар министрлигинин кызматкерлери Оренбургга гуманитардык жардам алып баруу үчүн жолго чыгышты. Бул тууралуу мекеменин маалымат кызматы кабарлады. Буга чейин Садыр Жапаров Россиянын суу каптоодон жабыркаган облусуна 350 тонна жардам жөнөтүүнү тапшырган. ӨКМ кызматкерлери аны 20 фура менен алып барат.Гумжардам элге эң керектүү тамак-аш, турмуш-тиричиликке керектелүүчү буюмдар жана кийим-кече топтомунан даярдалган.
Кыргызстанда Бүткүл дүйнөлүк китеп жана автордук укук күнү белгиленет. Бул тууралуу Маданият, маалымат, спорт ж