БИШКЕК, 19-апр. — Sputnik. Бүгүн кармалган Антимонополия кызматынын жетекчисинин мурдагы орун басары Акжолтой Тукуновдун баш коргоо чарасы каралып, эч жакка чыкпоо жөнүндө тил каттын негизинде бошотулганын Жогорку сот кабарлады.
Эскерте кетсек, ал массалык башаламандык уюштурууга чакырык таштоого шектелип, убактылуу кармоочу жайга киргизилген.
Аламүдүн райондук соту Тукуновдун шектүү катары кармалышы Кылмыш-жаза кодексинин 96 жана 97-беренелерин одоно бузуу менен жүргүзүлгөн деген чечимге келген. Натыйжада ал тергөө жүргөн мезгилде, башкача айтканда, үстүбүздөгү жылдын 16-июнуна чейин эч жакка чыкпоого милдеттендирилди.