БИШКЕК, 17-апр. — Sputnik. Кант шаарында милиция кызматкерин сабады делген шектүүлөр колго түшкөнүн Чүй ОИИББдин маалымат кызматы билдирди.
Кабарга ылайык, 14-апрель күнү саат 4:00дөр чамасында Кант шаарынын Гагарин жана Зубков көчөлөрүнүн кесилишинде белгисиз адамдар бир адамды токмоктошкон.
Жабырлануучу жаагы сынып, ооруканага жаткырылган. Ал К.Р. аттуу 33 жаштагы Ысык-Ата РИИБдин тергөөчүсү экендиги аныкталган.
Факт боюнча кылмыш иши козголуп, соттук-укуктук экспертизалар дайындалды.
Кылмышка шектүү катары 35 жаштагы Д.А. жана Э.У., 33 жаштагы И.Т. кармалып, убактылуу кармоочу жайга киргизилген. Учурда тергөө амалдары улантылууда.