БИШКЕК, 17-апр. — Sputnik. Азия чемпионатында жеңишке жеткен япон балбандары ак калпак кийип, коомчулуктун көңүлүн бурду.
82 килограмм салмакта күрөшкөн Тайдзо Йошида ирандык балбанды утуп алтын тагынды. Өзүнүн желегин спортчу калпакчан болуп жамынып чыккан.
Ал эми Шинго Харада 72 килограмм салмак категориясында финалдык беттеште дагы бир ирандык атаандашын артта калтырып биринчиликти багындырды. Бул балбан да байге тапшыруу аземине калпак кийип чыккан.
Белгилей кетсек, күрөш боюнча Азия чемпионаты Бишкекте 11-16-апрель күндөрү болуп өттү.