Өлкөдө билим берүү тармагы бир топ жаңычылдыктарды киргизүүдө. Анда 12 жылдык окуу системасына өтүүдөн тарта, пенсия курагындагы окутуучулардын саатын кыскартуугачейин каралган. Мындай кадамдар билим берүүнүн сапатын арттырабы? Азыркы окуучуларга эмне жетишпейт? Канткенде мектептен билим алууну балдардын сүйгүнчүктүү ишине айландыра алабыз? Ушул жана башка суроолорубузга орто мектепте мугалимдиктен баштап директорлукка чейин 40 жыл эмгектенген, алгачкы Билим берүү мыйзамынын авторлорунун бири болгон педагог ой толгоп көрдү.