БИШКЕК, 16-апр. — Sputnik. Биз мыкты тажрыйбабызды союздаштар менен бөлүшүүбүз керек. Бул туурасында РФ президентинин Аймактар аралык жана чет элдик мамлекеттер менен маданий байланыш түзүү башкармалыгынын жетекчиси Игорь Маслов айтты.
Ал КРСУ менен Санкт-Петербург политехникалык университетинин, Москва мамлекеттик эл аралык мамилелер институтунун кызматташуусу боюнча макулдашууга кол коюлган аземге катышып, пикири менен бөлүшкөн.
Маслов Санкт-Петербург политехникалык университетинин жетекчилигине жогорку квалификациялуу инженерлерди даярдоо боюнча өтүнүчкө оң жооп бергенине ыраазылык билдирди. Өкүл экономика, анын ичинде энергетика, тоо-кен тармагында кызматташуу боюнча эки тараптуу олуттуу программалар бардыгын эске салды.
"Биз мыкты тажрыйбаларыбызды, колубузда болгон, иштелип чыккан ыкмаларыбызды союздаштар менен бөлүшүүбүз керек", — деген Маслов.
Ал Санкт-Петербург политехникалык университети КРСУнун инженерлерди даярдоосуна салмактуу салымын кошорун белгиледи.