БИШКЕК, 16-апр. — Sputnik. Баткенде бычактан жаракат алган 16 жаштагы кыз каза болгонун Баткен ОИИБден билдиришти.
Маалыматка ылайык, 15-апрелде саат 21:05 чамасында облустук ооруканага эки жеринен бычак жеген өспүрүмдү алып келишкен. Ал жарым сааттан кийин өзүнө келбей каза болгон.
Аталган маалымат милиция тарабынан каттоого алынып, тергөөгө чейинки текшерүү жүргүзүлүүдө.
Азыркы учурда кыздын өлүмүнүн себебин аныктоо үчүн соттук-медициналык экспертиза дайындалып, окуянын жагдайын аныктоо максатында тиешелүү кызматтарга тапшырмалар берилген.