БИШКЕК, 15-апр. — Sputnik. Кыргыз-Россия славян университети эл аралык программанын катышуучусу болорун кабарлады.
Маалыматка ылайык, "Россия — мүмкүнчүлүктөрдүн өлкөсү" деген аталыштагы президенттик платформа КРСУнун базасында Универсалдуу компетенцияларды өнүктүрүү борборун ачкан.
"Платформа беш жылдан бери иштеп жатат. Бул убакытта ага Россиянын 89 аймагынан жана дүйнөнүн 150 өлкөсүнөн 1500дөн ашык компания, университет, мамлекеттик жана коомдук уюмдар өнөктөш болгон. Эми ага КРСУ кошулду", — деп айтылат маалыматта.
Долбоорлордун негизги максаты — ар бир адам талантын жана кесипкөйлүгүн, бизнес-идеяларын же социалдык демилгелерин ишке ашыруу үчүн мүмкүнчүлүктөрдү берүү.