БИШКЕК, 15-апр. — Sputnik. Балбан Акжол Махмудов Бишкекте өтүп жаткан Азия чемпионатынан күмүш медаль утту.
Ал 77 килограммга чейинки салмак категориясында япониялык Нао Кусаки менен финалдык бөлүктө алтын үчүн кармашып, 4:2 эсебинде жеңилип калды.
Финалга чейинки кармаштарда Махмудов казакстандык каршылашын 3:3, ирандык балбанды 12:2 эсеби менен жеңген.
Кыргызстандык спортчунун бүгүн туулган күнү, ал 25 жашка толду.