Ысык-Көлдө Борбор Азия жана араб өлкөлөрүнүн инвестициялык форуму өтөтОш, Баткен, Жалал-Абадда санариптештирүү боюнча жаштар форуму өтөтНебензя Ирандын Израилге жасаган чабуулу тууралуу билдируу таратты алдыда кененирээкБыйыл Ысык-Көлдө Борбор Азия жана Булуңдагы араб өлкөлөрүнүн инвестициялык форуму өтө турганын Тышкы иштер министрлиги билдирди. Ведомство министр Жээнбек Кулубаев 14-апрелде Ташкентте Кувейттин, Оман султанатынын ТИМ башчылары менен жолугушуп, анын жүрүшүндө аталган форумга чакырганын кабарлады. Тараптар эки өлкөнүн ортосундагы саясий, соода-экономикалык, инвестициялык жана башка тармактарда кызматашуунун келечегин талкуулашканы белгилүү болду.
Өлкөнүн түштүк аймактарында санариптештирүү боюнча республикалык жаштар форуму өтөт. Бул тууралуу Санариптик өнүктүрүү министрлиги кабарлады. Билдирмеге караганда, иш-чара бүгүн, 15-апрелде, башталып, 19-апрелге чейин уланат. "Форум идеяларды алмашуу жана өлкөнүн санариптик трансформациясынын актуалдуу маселелерин талкуулоо аянтчасына айланат. Иш-чаранын алкагында кызыктуу талкуулар, мастер-класстар болот", — деп жазылат маалыматта. Форум 15-апрелде Баткен облусунун Кызыл-Кыя шаарында өтсө, 17-апрелде Ош шаарында, андан кийин Жалал-Абад шаарындагы мамлекеттик университетте уюштурулары кошумчаланды.
Россиянын БУУдагы туруктуу өкүлү Василий Небензя батыш саясатчыларынын Коопсуздук кеңешинин Ирандын Израилге жасаган чабуулуна байланыштуу өткөн жыйынындагы сөзүн "эки жүздүүлүк, кош стандартуулуктун парады" деп атады. Бул тууралуу РИА Новости жазды. "2-апрелде Израилдин Ирандын Дамаскидеги консулдук объектилерине жасаган чабуулун талкуулоо үчүн чогулганыбызда мындай аракеттерге жол берилбешин шарттаган бирдиктүү бир көз караш, чечим болушу керектигин эскерттик эле. Иран же Сирия, болбосо Жакынкы Чыгыш эле эмес, бардык жерде мындай чабуул болбошу керек болчу", — деди Небензя. Дипломат буга чейин Коопсуздук кеңешинин мүчөлөрүн апаат кайталанбашы үчүн соккуларды кескин сынга алууга чакырганын, болбосо кырдаал жалпы региондо бир топ курчуп кетери эскертилгенин белгиледи. Небензянын айтымында, Иран Израилге жөн жерден сокку урган жок."Ирандын бул кадамы БУУнун Коопсуздук кеңешинин чара көрбөгөнүнө, Израилдин буга чейинки Дамаскидеги консулдугуна жасаган соккусуна жооп болду. Сирия Израилдин тынымсыз соккусуна дуушар болууда. Сирия Израилдин тынымсыз соккусуна дуушар болууда. Израилдин Ирандын дипломатиялык өкүлчүлүгүнө кол салуусу эл аралык укук боюнча согуш ачууга шылтоо болуп саналарын жакшы билесиңер"- деген дипломат.
РФ ТИМинин расмий өкүлү Мария Захарова Германиядагы жынысты жылына бир ирет алмаштырууга мүмкүнчүлүк берген жаңы мыйзам тууралуу "болгон чегине жетти" деген комментарийин берди. Бул туурасында РИА Новости жазды. Буга чейин Bild басылмасы Германиянын төмөнкү палатасы өткөн жумада адамдарга жынысын жылына бир ирет алмаштырууга мүмкүнчүлүк берген мыйзам кабыл алган. "Германияда баңгизаттарын мыйзамдаштыруудан эки апта өтө элек... жетер жерине жетти", — деп жазган Захарова өзүнүн Telegram каналына. Дипломат өспүрүм 14 жашка чыккандан кийин жынысын алмаштыруу үчүн ата-энесинин макулдугу керек болбой турганына басым жасаган. "Эмнеге жылына бир эле жолу" деп сурабайсыңарбы. Тандаганга мүмкүнчүлүк берген эркиндикти эмнеге катып отуруш керек дейм да. Эгерде жаңы гендер камдашып кете элек болсо, анда көбүрөөк жасаганга мүмкүнчүлүк жаралса керек", — деп кошумчалаган Захарова.