Бүгүн Азия чемпионатында беш балбан кыз килемге чыгатКыргызстан Казакстандагы гуманитардык жардамдын экинчи партиясын жөнөттү Айыл чарба министрлиги Нарын облусунда кара куурай өстүрүүнү сунуштоодо алдыда кененирээкАйыл чарба министрлиги Нарын облусунда кара куурай өстүрүүнү сунуштоодо Ведомство бир гана өнөр жайлык кара куурай өстүрүү керектигин белгиледи. Жапайы кара куурай жакшы өскөн Ысык-Көлгө Айыл чарба министрлиги мөмө-жемиш бактарын, карагат, малина, кулпунай отургузууну сунуштоодо. Өнөр жай кара куурайы фармацевтикада, текстиль жана эмерек өнөр жайларында, космостук кемелер жана учактар үчүн көмүртек буласын өндүрүүдө, тамак-аш азыктарын жана табигый косметиканы жасоодо колдонулат.
Бишкекте кыз-келиндер арасындагы күрөш боюнча Азия чемпионатынын экинчи күнү өтүп жатат. Бүгүн беш кыргызстандык кыз баш байге үчүн ат салышат. Тыныбекова 62 кг салмакта күч сынашса, Сезим Жуманазарова 57 кг, Дилназ Сазанова 65 кг, Нурзат Нуртаева 72 кг, Айжан Сабырбек кызы 53 кг салмакта күрөшмөкчү. Кечээки мелдеште Айпери Медет кызы (76 кг) алтын алса, Арууке Кадырбек кызы (55 кг) жана Гүлнура Таштанбекова (68 кг) коло утушкан.
Кыргызстан Казакстандагы селден жабыркагандарга гуманитардык жардамдын экинчи партиясын жөнөттү КР Өзгөчө кырдаалдар министрлиги билдиргендей, жүк жарандар тарабынан чогултулуп, Кыргызстандын президентинин резервдик фондунан да акча бөлүнгөн. Гуманитардык жардам 150 тонна жергиликтүү сүт азыктарынан турат. Кыргызстан селден жабыркагандарга жардамдын биринчи партиясын 6-апрелде жөнөткөн.
12 жылдык окуу системасына өтүү башталгыч класстардын окуучуларын кайталап окутуудан арылтат. Бул тууралуу Профессор Айдаркан Молдокулов атындагы инновациялык мектеп-лицейинин директорунун милдетин аткаруучу Жайнак Ибрагимов билдирди. Анын айтымында, жаңы окуу системасынын биринчи жылында электрондук китептер пайдаланылат."Азыр балдар "Наристе" программасы аркылуу даярдык класстарында окушат. Эл оозунда нөлүнчү класс деп айтылат. Ал милдеттүү түрдө болбогондуктан айрым балдар билим албай калат. Жыйынтыгында 1-класска келишкенде кайра эле ушул программа кайталап окутулат. 12 жылдык окуу системасына өтүү менен биз ушул нөлүнчү классты 1-класс деп атап калабыз. Азыркы системада балдар кайталап билим алуудан арылышат. 12 жылдык билим берүүгө этап-этабы менен өтөбүз. Быйыл даярдоо жылы болот" - дейт Ибрагимов
Мобилизация боюнча мыйзам долбооруна добуш бергенден кийин украин эли президент менен парламентке өкүм чыгарат. Бул тууралуу Жогорку Раданын депутаты Дмитрий Разумков билдиргенин РИА Новости жазды. Билдирмеге караганда, эл өкүлү кесиптештерин Зеленскийдин командасынын тапшырмасы менен эле мыйзамдарды кабыл ала бербөөгө чакырган. "Мобилизация боюнча мыйзам долбооруна добуш бергенден кийин украин эли президент менен парламентке өкүм чыгарат. Анткени элдин жашоосу оюн эмес. Алардын тагдыры менен ойногон болбойт", — деген ал. Ал Раданын Улуттук коопсуздук, коргоо жана чалгындоо комитети Зеленскийдин адамдары аны бузганга чейин бул документ үчүн көп иштерди жасаганын белгилеген. Ал кесиптештерин элдин жыргалчылыгы үчүн иштөөгө чакырган.Бейшембиде Жогорку Рада Украинада мобилизацияны күчөтүү боюнча мыйзам кабыл алган. Бир күн мурда документтин текстинен демобилизациялоо жөнүндөгү пункт алып салынган. Коргоо министрлигинин маалымат катчысы Дмитрий Лазуткин кийинчерээк демобилизация боюнча өзүнчө мыйзам долбоорун иштеп чыгуу пландалып жатканын, бул үчүн сегиз ай убакыт берилгенин билдирди.