Ветеринардык кызмат үй жандыктарын эмдөөдөн өткөрүү зарылдыгын эскертетТүндө Иран Израилге абадан сокку жасадыАкыркы үч айда миңден ашык жол кырсыгы катталды алдыда кененирээк Баткен облусунун эң алыскы Зардалы айылына чейин бир тилкелүү жол салынат. Долбоору жасалып башталды. Бул тууралуу президент Садыр Жапаров социалдык тармактагы баракчасына жазды. Маалыматка караганда, эмдиги жылдын бюджетине киргизилип, жаздын алды менен иш башталат. «Бирок тилекке каршы бир тилкелүү эле жол болот. Эки тилке кылууга мүмкүн эмес, аскалуу жерлери бар экен. Кулап кетүү коркунучу бар.Жол кыймылындагы коопсуздук үчүн бир тилкелүү жолдун ар кайсыл жерине каршы келе жаткан унааны өткөрүп жиберүү үчүн “чөнтөкчөлөр” жасалат. Азырынча “Жоктон көрө жогору дегендей” бир тилкелүү жол салып туралы. Зардалыга жол мамлекеттин коопсуздугу үчүн зарыл», – деп жазды мамлекет башчысы.
Кыргызстанда жыл башынан тартып, үч ай ичинде 1364 унаа кырсыгы катталды. Бул тууралуу Бул тууралуу Жол кыймылынын коопсуздугун камсыз кылган башкы башкармалыктан билдиришти. Маалыматка караганда, кырсыктын кесепетинен 99 адам каза болуп, 1965 адам ар кандай жаракат алган. Ал эми өткөн жылга салыштырмалуу жалпы жол кырсыгы — 8 пайызга, жаракат алгандар — 7,6 пайызга, ал эми көз жумгандар — 20,8 пайызга азайган.
Үй жандыктары жугуштуу ооруга чалдыкса же күмөнсүү жаралса дароо Ветеринардык кызматтын райондук, шаардык башкармалыктарына же жеке ветеринар адистерине кайрылуу зарыл. Бул тууралуу ведомствонун маалымат кызматы билдирди. Веткызмат жаз келип күн жылыган сайын жапайы жаныбарлардын (ит, куш, карышкыр, чөө) мал-жандыкка кол салуусу күч аларын эскертет. Мындан улам жаныбарлардан адамдарга жугуучу оорулар да көбөйө баштайт. "Ар бир ылаңдын этиологиясына жараша диагностикалык жана профилактикалык эмдөө иштери жүрүп жатат. Эгер жапайы жаныбарлардын, жолбун иттердин мал-жандыкты тиштеп, кол салган учурлары болсо веткызматкерлерге кабарлоону өтүнөбүз. Кайдыгер болбоңуз", — деп айтылат маалыматта. Ошондой эле жолбун иттерди жок кылуу үчүн Веткызмат жергиликтүү өз алдынча башкаруу органдары менен биргеликте иштеп жатканы айтылды.
14-апрелге караган түнү Иран Израилге абадан сокку жасаганын РИА Новости жазды.Билдирмеге караганда, Иран Израилдин Дамаск шаарындагы консулдугуна жасаган соккусуна жооп иретиндеги ири чабуулун аяктады. Абадан чабуул 14-апрелге караган түнү башталып, беш саатка созулган. Кырдаал боюнча урунттуу учурлар: The New York Times басылмасынын маалыматы боюнча, Иран Израилди көздөй 185 дрон, 146 ракета учурган; Ирандын БУУдагы миссиясы кол салуу уюмдун уставынын 51-беренесине ("Өзүн-өзү коргоо укугу") таянып жасалганын айтып, буга чейин Израилдин дипломатиялык объектилерге жасаган агрессиясына жооп болгонун билдирди; Байден Израиль АКШнын жардамы менен Ирандын дээрлик бардык ракеталары менен дрондорун атып түшүргөнүн айткан; алдын ала божомол боюнча, Израилге келтирилген зыян соккунун масштабын эске алганда "салыштырмалуу аз"; БУУнун Коопсуздук кеңешинин шашылыш жыйыны 14-апрелге пландалган. Байден Ирандын чабуулуна жооп кайтаруу үчүн бүгүн G7 союздаштары менен кеңешме өткөрөрү айтылды; БУУнун башкы катчысы дүйнө дагы бир согушту көтөрө албастыгын эскертип, кырдаалды курчутпоого чакырган;