Быйыл токой чарба ишканаларына 1 510 гектар аянтка ар кыл дарактарды тигүү тапшырмасы берилип, иштер уланып жатат. Бул тууралуу Майрамбек Алиев Sputnik Кыргызстан радиосунун эфиринде маек куруп жатып билдирди.
Анын айтымында, өлкөдө жылына 1100-1200 гектар жерге тиешелүү өсүмдүктөрдү отургузуу иштери жүргүзүлүшү керек.
"Быйыл токой чарба ишканаларына 1 510 гектар аянтка көчөттөрдү тигүү тапшырмасы берилип, иштер уланып жатат. "Жашыл мурас" улуттук кампаниясын алкагында 800 гектардан ашык аянтта өнөктүк активдүү ишке ашууда. Негизи өлкөдө жылына 1100-1200 гектар жерге тиешелүү өсүмдүктөрдү отургузуу иштери жүргүзүлүшү керек. Бул иш айыл чарбасындагы эгин себүүдөй эмес. Токойду сактоого, браконьерликке каршы иштерге баары салым кошушу керек", — деди Алиев.
Ошондой эле адис токой кызматкерлеринин айлыгы жогорулап, санариптештирүү иштери жүрүп жатканын кошумчалады.