БУУнун Афганстанга жардам көрсөтүү миссиясынын жетекчиси Роза Отунбаева КМШнын башкы катчысы Сергей Лебедев менен жалпы маселелерди чечүүдөгү кызматташууну талкуулады. Бул тууралуу Sputnik Афганстан Telegram каналы жазды. Мындан тышкары, Отунбаева Россиянын тышкы иштер министринин орун басары Сергей Вершининге да кезиккен. Тараптар Афганстандагы кырдаал, ал жактагы чакырыктарга жана коркунучтарга каршы туруу, БУУ миссиясынын ЖККУ, КМШ жана ШКУ менен кызматташтыгын бекемдөө тууралуу сүйлөшүшкөн. Буга чейин өлкөнүн экс-президенти ЖККУнун башкы катчысы менен жолукканы маалым.
11-12-апрелде Бишкетин «Чыгыш-5″ кичирайонунда эки күн бою газ болбойт, бул тууралуу»Бишкекгаз» кызматы кабарлады. Алдын ала мерчемделген ишке ылайык, газ Төрөкүл Айтматов – 7 Апреля – Чүй проспектиси – Армейский көчөлөрү менен чектелген аймакта өчүрүлөт. Газ убактылуу, газ түт түтүктөрүн оңдоо иштерине байланыштуу токтотулат.
Быйыл Бишкекте И. Ахунбаев көчөсү менен Жибек-Жолу проспектисин бириктирген жаңы үч жол пайда болот. Алардын бири Кара-Дарыя жана А.Сүйүмбаев көчөлөрүн темир жол аркылуу байланыштыруу долбоору. Бул тууралуу Бишкек шаардык мэриясынан кабарлашты. Узундугу 1,4 чакырымды, туурасы 9 метрди түзгөн жолдун курулушу 8-апрелде башталды. Эки тарабында ирригация тутуму жана жөө адамдар үчүн тилке каралат. Жол Аламүдүн дарыясынынын жээги менен салынат. Учурда көпүрө салынып жаткан Шүкүров көчөсү менен Медеров көчөсү аркылуу төмөндү көздөй уланып, Л. Толстой көчөсүнө түшөт. А. Сүйүмбаев көчөсү менен ортодогу темир жолдон бириктирилет. 7-апрель жана Ж. Абдрахманов көчөлөрүнө параллель альтернатива пайда болот.
Кытайдын төрагасы Си Цзиньпин Пекинге иш сапары менен барган Россиянын тышкы иштер министри Сергей Лавровду кабыл алганын РИА Новости жазды. "Сиздин соңку жылдарда жетишкен ийгиликтериңизге суктанганыбызды билдиргибиз келет. Бул жетишкендиктер бизди чын жүрөктөн кубандырат. Бирок дүйнөнүн баары эле мындай ойдо эмес, кээ бирлер Кытай менен Россиянын өнүгүүсүн токтоткусу келет", — деди Лавров. Ал ошондой эле эки өлкө дипломатиялык мамилелердин орношунун 75 жылдыгын татыктуу белгилей турганына ишенимин билдирди. Министрдин айтымында, мамлекет башчыларынын аркасы менен РФ менен КЭРдин ортосундагы ар тараптуу өнөктөштүк жана стратегиялык кызматташуу мамилелери болуп көрбөгөндөй деңгээлге жетти. Си Цзиньпин Россиянын ТИМ башчысы тажрыйбалуу дипломат жана кытай элинин эзелтен берки досу экенин белгиледи. Ал Пекин менен Москва тынчтыкта жанаша жашоо жолуна түшкөнүн жана өз ара кызматташтыкты өнүктүрүүнүн үстүндө иштеп жатканын белгиледи.
Украина Михаил Булгаковдон кийин эми авиаконструктор Игорь Сикорскийден баш тартканга даяр. Бул туурасында Sputnik Ближнее зарубежье каналы жазды. "Сикорскийдин так позициясынан улам аны дагы украин деп атоого болбойт", — деген "Европалык тилектештик" партиясынан шайланган эл өкүлү Владимир Вятрович. 1936-жылы Сикорский өзүнүн позициясын бил