БИШКЕК, 8-апр. — Sputnik. Оренбург облусунда 10 168 турак үй, 18 471 жер тилкени суу каптап турат. Бул тууралуу жергиликтүү бийликке шилтеме берип РИА Новости жазды.
"Соңку суткада облус боюнча 311 турак үйдөн, 1 733 жер тилкеден суу тартылды. Анда 1 718 адам (349у балдар) жашайт. 8-апрелдин таңына карата 10 168 турак үй, 18 471 жер тилке дагы деле суу астында калууда", — деп айтылат маалыматта.
Эске салсак, Россиянын Оренбург облусуна караштуу Орск шаарында Урал дарыясынан коргоп турган дамба 5-апрелде жырылган. Суу айылдарды каптап, эл көчүрүлгөн. Каза болгондор бар экени маалымдалган. Ошондой эле аймактык прокуратура дамба өз убагында көрүлбөгөн чаралардан улам бузулганын айтып, бул боюнча кылмыш иши козголгонун белгилеген.