БИШКЕК, 7-апр. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.
Ага ылайык, Бишкекте бүгүн-эртең жаан-чачын күтүлбөйт. шейшембиде жамгыр жаап, шаршембиде асман ачылат. Кайра эле бейшембиде күндүн көзү бузулат. Ошол бойдон ишембиде күн ачылат.
Чүй жана Талас облустары
7-8-апрелде күн ачык болот, 9-апрелде көпчүлүк аймактарда жаан жаайт. 10-апрелде күн ачылып, бирок кайра эле 11-апрелде айрым, 12-апрелде көпчүлүк жерлерде жамгыр жаайт. 13-апрелде жаан-чачын күтүлбөйт.
Ош, Жалал-Абад жана Баткен облустары
7-8-апрелде күн ачык болот. Андан соң апта аягына чейин мезгил-мезгили менен жамгыр жаай турганы божомолдонууда.
Ысык-Көл жана Нарын облустары
8-апрелде жаан-чачын күтүлбөйт. 9-11-апрелде айрым жерлерде, 12-апрелде көпчүлүк аймактарда жамгыр жаайт. 13-апрелде күн ачылат.