БИШКЕК, 6-апр. — Sputnik. Президенттин маалымат кызматынын жетекчиси Дайырбек Орунбеков "Ала-Тоо" аянтындагы флагштоктун алдындагы жер төлөнүн азыркы абалын көрсөтүп, флагшток кулайын деп калганын белгиледи.
Анын айтымында, жер төлө 1998-жылдан бери бир дагы жолу каралган эмес.
"Астынан суу кирип, флагшток кулап калайын деген абалга жеткен. Учурда калыбына келтирүү жумуштары башталды. Быйыл Кара-Кыргыз автономиялуу облусунун 100 жылдыгына карата толук оңдолуп, 100 метрге бийиктетилет", — деп жазган Орунбеков.
Буга чейин мэрия да "Ала-Тоо" аянтындагы тууну 100 метрге чейин бийиктетүүнү көздөп жатканын кабарлаган.