БИШКЕК, 3-апр. — Sputnik. "Крокус сити холлдогу" терактыдан кийин Украинанын атайын кызматы Россиядагы улуттар аралык кастыкты жана антимигранттык маанайды козутуу операцияларын жүргүзүүдө. Бул тууралуу британиялык The Times гезитине Украинанын Коопсуздук кеңешинин маалымат борборунун башчысы Андрей Коваленко айтып берген.
Ал билдиргендей, украиналык агенттер россиялык Telegram-чаттарга түрдүү улуттагы адам катары кирип, этникалык топторду бири-бирине каршы коюуда.
"Биз үчүн улуттар ортосундагы жаракаларды маалымат аркылуу күчөтүү пайдалуу", — деген ал.
Мындан тышкары, украиналык борбор террорчулардын кармалган видеосу интернетке тарагандан кийин Борбор Азиянын жарандары кирген топтордо өздөрүнө тилектештикти күчөтүүгө жана аларды РФтин атайын кызматына каршы үндөгөн.