БИШКЕК, 2-апр. — Sputnik. УКМК Ош облусунун Араван районундагы стадиондун 307 миллион сомдук жарым гектарга чукул жери мамлекетке кайтарды. Бул тууралуу ведомствонун маалымат кызматы билдирди.
Маалыматка ылайык, жер тилке мыйзамсыз менчикке өтүп кеткени аныкталган.
"2001-жылы Араван айылдык кеңеши лицей жана спорт комплексин куруу үчүн Аравандагы стадиондун 0,46 гектар жерин жеке жактарга бөлүп берүү жөнүндө чечим чыгаргандыгы такталды", — деп айтылат маалыматта.
Ошондой эле аталган жер тилкенин базар баасы 307 миллион 135 миң сом экени кошумчаланган.