БИШКЕК, 2-апр. — Sputnik. Биринчи айым Айгүл Жапарованын фонду миңден ашуун балага бут кийим жана кийим-кече тапшырды. Бул тууралуу Эмгек, социалдык камсыздоо жана миграция министрлиги билдирди.
Маалыматка ылайык, жардам алуучулардын тизмесине ата-энеси жок жана аз камсыз үй-бүлөлөрдүн балдары кирген.
"Ак-Суу районундагы 1 100дөн ашык балага кийим-кече жана бут кийим тапшырылды. Айрымдар спорттук бут кийимдерди дароо кийип алганы өзгөчө кубаныч тартуулады", — деп айтылат маалыматта.
Буга чейин 2,3 миңден ашык улгайган жаран, майыптар, психоневрологиялык оорусу барлар жашаган министрликтин 17 социалдык стационардык мекемесине дал ушундай жардам берилгени кошумчаланды.