БИШКЕК, 31-мар. — Sputnik. 2023-жылы Кыргызстанда лизинг ишмердүүлүгүн 20 компания жүргүздү. Компаниялар менен жыл ичинде 3000ге жакын келишим түзүлгөнүн Улуттук статистика комитети маалымдады.
Билдирмеге ылайык, 2022-жылы лизинг келишимин түзгөндөрдүн саны 2 миңге жакын болгон.
2023-жылы мындай келишимдердин жалпы наркы 6,8 миллиард сомго жетип, 2022-жылдагыдан 1,7 эсеге көбөйгөнү айтылды.
Өткөн жыл ичинде лизингге көбүнчө курулуш, жол техникалары алынган. Ал жалпы баанын 44,2 пайызын түзгөн. Транспорт каражаттары 27,8 пайызды, айыл чарба техникасы 23,1 пайызга жеткен.