Манастагы "апси" деген сөз алкым, кулкун, сук дегенди түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Анын айтымында, бул сөз айрым учурда напси деп дагы колдонулат.
"Манаста "апси" деген көөнө сөз кездешет. Айрым учурда ал напси деп колдонулат. Анын мааниси алкым, кулкун, сук дегенди билдирет. Алмамбет Көкчөдөн чыгып Манаска аттанганын сүрөттөгөн саптарда бул сөз көп кездешет", — деди Талантбеков.
Манасчы көөнө сөздөр тилдин байлыгы экенин кошумчалады.