БИШКЕК, 30-мар. — Sputnik. 31-мартта өрөөндөрдө жамгыр жаайт. Батыштан соккон шамалдын ылдамдыгы секундасына 4-9 метрге жетет. Мындай маалыматты Кыргызгидромет таратты.
Абанын температурасы Чүйдө +7...+12, Талас, Ысык-Көл аймактарында +5...+10, Ош, Жалал-Абад жана Баткен облустарында +12...+17, Нарын жергесинде +3...+8 градус жылуу болот.
Борбор калаада жана Ош шаарында мезгил-мезгили менен жаан жаап, күндүн табы Бишкекте +9...+11, Ошто +15...+17 градуска чейин көтөрүлөт.