БИШКЕК, 28-мар. — Sputnik. Бишкекте коомдук транспорттун контролеруна кол салуу болгонун мэрия билдирди.
Окуя бүгүн эртең менен №169 автобуста болгон.
"Жүргүнчүлөрдүн бири жол кирени төлөбөй контролерго орой мамиле жасап, адепсиз сөздөрдү айткан. Андан соң бетке бир нече жолу уруп, качып кеткен", — дешти мэриядан.
Контролер жаракат алган. Укук коргоо органдары кылмышкерди издеп жатат.