БИШКЕК, 24-мар. — Sputnik. Кыргызстандын тышкы иштер министри Жээнбек Кулубаев россиялык кесиптеши, РФ тышкы иштер министри Сергей Лавровго "Крокус сити холлдогу" терактынын кесепетинен көптөгөн адамдардын набыт болушуна байланыштуу көңүл айтты. Бул тууралуу ведомстводон маалымдашты.
Билдирмеге ылайык, Кулубаев Россиянын Бишкектеги элчилигине барып көңүл айтып, аза бөлүшүү китепчесине билдирүү калтырган.
Министр Кулубаев тынчтыкка, коопсуздукка, туруктуулукка жана адамзатка коркунуч туудурган бул терактыны кескин түрдө айыптаган. Ошондой эле каза болгондордун баарынын жакындарына көңүл айтып, жабыркагандардын тезирээк айыгып кетишине тилектештигин билдирген.
"Аза күтүү күнүндө орду толгус жоготуулардын аза кайгысын тең бөлүшөбүз", — деди ал.