БИШКЕК, 22-мар. — Sputnik. Ош шаардык муниципалдык автоунаа ишканасы калаадагы коомдук транспортко электрондук билеттерди уюштуруу боюнча сынак жарыялайт. Бул тууралуу Ош шаарынын мэриясынан билдиришти.
Маалыматка ылайык, сынакка катышуу үчүн арыздар үстүбүздөгү жылдын 30-мартына чейин кабыл алынат.
Сынакка байланыштуу суроолор боюнча osh.ogmap.piu@gmail.com электрондук почтага же (+996) 777 355 919 телефон номуруна кайрылса болот.
Буга чейин Ош шаардык муниципалдык автоунаа ишканасы тажрыйбалуу айдоочуларды жумушка чакырган. Жумушка 60 жашка чейинки, айдоочулук күбөлүгүндө D категориясы бар адамдар алынат. Сурап-билүү номерлери: +996 500 040 664, +996 553 407 046 жана +996 224 088 585.