БИШКЕК, 19-мар. — Sputnik. Октябрь районун "БишкекВторРесурс" ишканасы эмес, "Тазалык" тейлейт. Жогорку сот мурунку эки инстанциянын чечимин күчүндө калтырып, "БишкекВторРесурс" ЖЧКсынын доо арызын четке какты.
Борбор калаанын мэриясы белгилегендей, Октябрь райондук администрациясынын 2023-жылдын 14-июнунда катуу тиричилик таштандыларын чыгаруу боюнча "БишкекВторРесурс" ЖЧКсы менен түзүлгөн келишимди бузганы мыйзамдуу деп табылды.
Мэрия жалпы келтирилген зыян (мэрия компанияны жарандарды алдаган деп айыптоодо) 46,7 миллион сомду түзгөнүн билдирди.
Муниципалитет келтирилген зыяндын орду толтурулары менен аталган аймактын жашоочуларына кайра эсептөө жүргүзүлөрүн убада кылууда. Бул кандайча ишке ашары азырынча так айтыла элек.