БИШКЕК, 17-мар. — Sputnik. Россиядагы президенттик шайлоодон улам Кыргызстанда ачылган участоктор жабылды.
Добуш берүү тилкелери бүгүн эртең менен саат 8.00дө ачылган. Кыргызстандагы Россиянын жарандары Бишкек, Ош, Кант жана Каракол шаарларында ачылган участоктордо добуш беришти.
Россияда президенттик шайлоо үч күнгө белгиленип, бүгүн аяктап жатат. Өлкө башчылыгына БШК каттаган төрт талапкер: Леонид Слуцкий, Николай Харитонов, Владислав Даванков жана Владимир Путин ат салышууда.